August 15, 2024: Kom she kom teentha cabinet ministers kan para controversial Yasukuni shrine keh visit kuri nah, Japan kan, taikan laka World War Two defeat laka anniversary mark kuri shae, Thursday din deh. Etu shrine tho alak Asian nations kan bhal para nasai. Taikan etu tho country laka wartime aggression lah ekta symbol ase kui nah dikae.
Defence Minister Minoru Kihara, Economic Security Minister Sanae Takaichi, aro Yoshitaka Shindo, economic revitalization chief para Tokyo deh taka site keh visit kuri shae. Shrine deh 2.5 million war dead keh honor kureh aro taikan laka majo deh 14 jun tho prominent war criminals kan ase. Tateh wartime prime minister Hideki Tojo b ase.
“Manu kan kun taikan laka precious lives keh sacrifice kuri shae, taikan keh muila heartful condolences dibo mun jai aro muila deepest respect pay kuri bole mun jai.” Kihara para shrine deh kui shae.
Japanese Prime Minister Fumio Kishida aro South Korean President Yoon Suk Yeol para U.S president Joe Biden lokot deh deeper security ties kan kita bo kui nah agree kura piche deh, etu tho first visit ase, kuto senior government officials para kuri shae.
“Taikan sob taikan laka private capacity deh shrine keh visit kuri shae kui nah mui buji ase aro etu tho government kotha kuri bole laka mamla nahoi,” Japan laka top government spokesperson, Yoshimasa Hayashi para ekta regular press conference keh kui shae.
Add Comment