August 15, 2024: Wednesday din deh Republican presidential candidate Donald Trump, Israeli Prime Minister Benjamin Netanyahu lokot deh phone deh kotha kuri shae aro Gaza ceasefire aro hostage release deh kotha kuri shae, Axios para tuita U.S Source keh cite kuri nah report kuri shae.
Ekta source para Trump laka call tho Netanyahu keh encourage kuri bo karne taki shae kui shae, deal tho lubo leh, hoile b etu kuri shae kui nah sure nahoi kui shae. Trump laka campaign para comment laka request deh b jawab dia nai.
Jua mohina, Netanyahu para U.S keh visit kuri shae aro President Joe Biden, Vice President aro Democratic Presidential candidate Kamala Harris aro Republican former President Trump lokot deh mili shae. Egypt, United States aro Qatar kan ekta nutun Gaza ceasefire negotiations karne schedule kuri nah ase, Thursday din deh.
Hamas para Wednesday din deh taikan, Gaza ceasefire kotha laka nutun round deh part nalubo kui shae kuto Thursday din deh ase, Qatar deh. Hoile b mediators kan piche deh Palestinian Islamist group lokot deh consult kuri bole expect ase kui shae ekta official para.
Washington, kun Israel laka sobse zaruri ally ase, taikan para Gaza deh ceasefire hui shae kui shae koile tho, Middle East deh hobo leh taka dangor war laka threat tho komti kuri d b kui shae.
Add Comment