August 15, 2024: Congress general secretary Deepa Dasmunshi para Thursday din deh RG Kar Medical College and Hospital laka trainee doctor keh mota bishi para rape kuri shae kui nah claim kuri shae.
“RG Kar deh ki hui shae, etu tho bishi upsos laka kotha ase. Bengal deh enaka hua incident tho first time nahoi. Mamata Banerjee government kan power deh aha piche deh, enaka nishi nah incidents kan bishi hui jai shae. Etu tho ekta shocking ase. 150 grams laka semen – etu tho 1-2 mota laka case nahoi. Etu tho gang rape ase kui nah obvious ase,” tai para kui shae.
Tai para “TMC Goons” kan Wednesday rati deh, hospital deh ransacked kuri shae kui shae.
Congress leader Supriya Shrinate para local administration kan crime keh cover up kuri bole koshish kuri shae kui shae. “Incident tho bishi unfortunate ase. Utu maike lokot deh ki hui shae, etu tho ekta dangor question keh uthai deh. Maike kan kuteh ase, country laka ath population tho safe ase? Country laka maike kan lokot deh ki hui ase. Kile local administration kan crime keh cover kuri bole koshish kuri shae? Khali dika violence tho acceptable nahoi aro etu tho answer nahoi,” tai para kui shae.
Alak side deh BJP para Mamata Banerjee keh state run RG Medical College and Hospital deh hua vandalism upor deh quit kuri b kui shae.
Vandalism tho hazar nishi nah maike kan para midnight protest time deh kui shae, alleged rape aro murder case laka against deh.
Add Comment