August 15, 2024: 78th Independence Day celebration evening program tho Nagaland Civil Secretariat Plaza deh lui shae. Etu programe deh special guest tho Home Commissioner Vyasan R. IAS tho special guest taki shae. Program tho ekta exhibition football match para shuru hui shae, kuto DGP XI aroNFA XI laka majo deh taki shae. Match tho NFA XI laka favor deh kotom hui shae, 2-1 score line lokot deh.
Uniform category pitor deh Parade Contingents karne first position tho 13th Assam Rifles Bn para jiti shae. Second position tho 37th BSF para jiti shae. DEF Kohima para third place tho jiti shae. Non-uniform category pitor deh, first place tho Ex-Servicemen para jiti shae. Second place tho Bethel Higher Secondary School para jiti shae aro third tho NCC para. Sob Participating team kan keh cash incentives di shae, closing ceremony time deh.
78th Independence Day Celebration karne program tho Beating of Retreat para kotom hui shae.
(Temjenkaba APRO)
Add Comment