Congress para Delhi deh 100-day ‘Samvidhan Raksha’ campaign launch kuri shae

August 16, 2024: Friday din deh Congress para ekta 100-Day “Samvidhan Raksha (save Constitution) Campaign” launch kuri shae. Etu campaign tho India laka Constitution keh defend kuri bole aro nation deh democratic values promote kuri bole aim ase, Schedule Caste aro Scheduled Tribes (SC/ST) para support jama kuri nah, party officials para kui shae. Campaign tho party treasurer aro MP Ajay Maken para launch kuri shae, All India Congress Committee ST Department president Rajesh Lilothia lokot deh.  Campaign tho November 27 tak pola bo aro Delhi deh taka sob assembly constituencies keh target kuri bo, party officials para kui shae. Maken para campaign itia takt ho, 300,000 “Samvidhan Raksha” (constitution protectors” keh mobilized kuri di shae kui shae. Tai para campaign tho exclusively Delhi deh launch kuri nah ase kui shae aro aha 100 din deh sob 70 assembly constituencies keh visit kuri bo kui shae, etu protestors keh establish kuri bo karne. “Mui b ekta Samvidhan Rakshak ase, kuto karne mui grateful ase,” tai para kui shae. Launch event time deh, maken para peace aro stability rakhi bo karne kile India laka Constitution zaruri ase, etu deh kotha kuri shae. Tai para neighbouring countries lokot deh compare kuri shae, kuteh democratic values tho giri nah ase. “Mukan laka Constitution para mukan laka country keh alak banai deh, alak neighbors para,” tai para kui shae. Tai para neighboring countries deh chaos taka time deh, India tho, taikan laka robust constitutional framework karne peace taki ase kui shae.