Independence Day event deh Rahul Gandhi laka sitting para controversy ani di shae

August 16, 2024: Lok Sabha Leader of Opposition (LoP) Rahul Gandhi, tai Red Fort deh hua Independence Day program karne last row phale bua piche deh ekta controversy olai jai shae, Thursday din deh. Opposition para etu tho manu kan karne insult ase kui shae aro Government kan para tho Olympians keh accommodate kuri bo karne arrangements tho adjust kura ase kui nah jawab di shae. Gandhi, kun ekta Cabinet Minister laka status enjoy kureh, tai Prime Minister Narendra Modi laka speech keh huni bole aha time deh, taike VIP jaka laka fifth nahoileh penultimate row deh buhi bole di shae. Seat laka arrangement deh involve taka officials kan para kun bah prominent VIP seats kan tho Olympians kan keh dibo laki jai shae kui shae, kun kan event keh attend kuri ase. Taikan para hoile b alak VIPs, kun kan keh pichae deh buhi bole hudi shae, taikan laka nam tho kwa nai.