“Dunia tho ekta third world war osor deh ase’, Russian MP

August 16, 2024: Russia-Ukraine border deh war offensive taka time deh, Russian parliamentary deputy, Mikhail Sheremet para ekta chilling statement banai shae. Tai para dunia tho ekta potential World War 3 laka osor deh ahi ase kui shae,  Russian laka Kursk region deh Western-backed Ukrainian incursion taka karne. Sheremet, kun Russia laka defense committee laka ekta member ase, tai para Russia laka against hamla deh Western military equipment aro foreign participation ase kui nah claim kuri shae. Aro etu para global conflict deh lui jabo pareh kui shae. Friday din deh, North Korean leader Kim Jong Un para Russia lokot deh cooperation kara kuri bole karne ekta pledge keh reaffirm kuri shae. Aro Moscow kan taikan laka “peace aro justice karne holy war” deh jiti b kui nah confident ase kui shae. “Western military equipment laka presence, Western ammunition aro missiles kan civilian infrastructure deh chua tho aro Russian territory laka against hamla deh foreign participation taki shae kui nah clear proof tho consider kuri shae koile tho, dunia, world war 3 laka osor deh ase kui nah papna tho kuri bole pari bo,” RIA para deputy Mikhail Sheremet para kui shae. Incursion, kuto August 6 deh shuru hui shae, tateh Ukrainian forces kan Russian jaka deh advance kura diki shae aro enaka hua tho 200,000 laka upor manu kan keh evacuate kuri bole laki jai shae.