Speeding Mercedes para cycle rider keh murai di shae, Ashram deh

August 18, 2024: Saturday din, Delhi laka Ashram jaka deh ekta Mercedes gari para ekta cycle rider keh lakai di nah taike murai di shae. Delhi Police para gari keh seize kuri nah ase aro accused keh detain kuri di shae, ANI para report kuri shae. Police laka isap deh, speeding Mercedes para cycle keh pichae para lakai dia piche deh victim tho spot deh muri jai shae aro gari laka driver hto polai jai shae. Rajesh laka body tho rasta laka side deh pai shae aro taila cycle tho 150 meters agae deh pilai nah taki shae. Piche deh, gari laka driver, Pradeep Gautam para nijor keh surrender kuri di shae, ekta police station deh aro taike arrest kuri di shae, police para kui shae. Police para gari laka ownership details tho trace kuri shae aro owner para Pradeep keh, gari tho ek mohina agae di shae kui nah jani jai shae, bika bo karne. Rajesh tho duty deh jah time deh gari para taike lakai di shae, taila uncle Hobi Prasad para ANI keh kui shae.