Historic London arts centre deh jui tho control kuri bole pari shae

August 18, 2024: London laka Somerset House, kuto Van Gogh aro Monet nishi nah priceless artworks kan keh house kureh, etu paintings kan tho jui para affect hua nai, kuto historic building deh olai jai shae, Saturday din deh, gallery laka isap deh. 125 nishi nah firefighters aro 20 nishi nah engines kan jui keh buja bole kam kuri shae. Jui tho western wing laka roof deh julai di shae. Firefighters kan jui tho 7:00 pm agae deh control laka pitor deh ani bole pari shae. “#Smoerset House deh jui taka tho control laka pitor deh ase aro etu deh investigation tho shuru hobo,” London Fire Brigade para social media X deh post kuri shae. Neoclassical cultural complex structure tho ekta breakdancing competition host kuri bole taki shae, Saturday din deh. Hoile b centre laka upor deh dunga ola shuru hui shae. Enaka hua tho fire department keh mati lui shae. “Jui tho building laka roof space jaka deh taki shae,” London Fire Birgdae Assistant Commissioner Keeley Foster para reporters kan keh kui shae, ekta statement laka isap deh. Fire crew kan naha time deh staff aro visitors kan olai jah tho jokom kah laka eku rep[orts kan taka nai, brigade para kui shae.