Delhi mota laka upor deh AC giri jah tho tai muri jai shae

August 19, 2024: Ekta building laka second floor para air conditioning unit giri jah tho ekta 18 sal laka mota muri jai shae. Etu incident ho Delhi laka Karol Bagh jaka deh hui shae, Saturday din deh, news agency ANI keh report kuri shae. Mota, kun Jitesh ase kui nah identify kuri shae, tai tho Doriwala jaka laka resident taki shae Tai aro taila 17 sal laka sathi, Pranshu, ekta building laka niche deh uthi nah taka time deh incident tho hui shae. Jitesh tho ekta osor hospital deh muri nah ani shae, Taila sathi Pranshu tho jokom lokot deh hospital deh admit hui nah ase. Ekta CCTV camera footage, social media deh surface hui nah ase. Video deh Jitesh, taila scooter deh bui nah Pranshu keh kotha kuri taki shae. Taijun hug kura piche deh, ekta air conditioning unit, second flood para giri jai shae aro Jitesh laka mata deh thik shae. Enaka hua tho tai spot deh muri jai shae. Desh Bandhu Gupta Police station deh ekta case register kuri nah ase aro utu incident hua jaka deh ekta forensic team keh b patai nah ase. Etu mamla deh investigation itia b jai ase.