UN nuclear chief, Russian atomic plant keh visit kuri bole ase

August 27, 2024: U.N Nuclear agency chief Rafael Grossi, tai Tuesday din deh Russia laka Kursk nuclear power plant keh visit kuri bole ase. Etu jaka tho Moscow kan para bishi par hamla kuri nah ahi ase. Nuclear power plants laka safety tho bishi bar danger laka piotr deh ahi nah ase, Ukraine war hua time deh. Moscow aro Kyiv kan bishi bar ekjun ekjun keh botnam di nah ahi ase, Russian controlled Zaporizhzhia nuclear power plant deh drone aro artillery hamla kan kura karne. Thursday din deh President Vladimir Putin para Ukraine keh accuse kuri shae, Kursk plant keh hamal kuri bole koshish kura karne. Etu jaka deh chartha Soviet graphite moderated RBMK-1000 reactors ase. Ukraine kan itia b facility keh hamla kuri shae nah kura nai, etu deh jawab dia nai itia b. Grossi, kun para nuclear plants keh hamla kuri taki leh ekta nuclear disaster hobo kui nah warning di nah ahi ase, tai para tai ekta International Atomic Energy Agency Mission keh lead kuri bo kui shae. “Nuclear facility laka safety aro security tho endanger hobo nalageh. Sob nuclear plants laka safety aro security tho central aro fundamental jinta ase, IAEA karne.