August 31, 2024: Pakistan laka Inter-Services Intelligence (IS() kan terrorist lokot deh collaborate kuri ase kui nah sure ase, former US National Security Advisor Lt Gen (retd) H R McMaster para kui shae. Tai para President Donald Trump laka deh taka time deh, White House kan, state department aro Pentagon laka hath para resistance pai taki shae kui shae, Islamabad keh security aid dibo leh laka upor deh.
Trump para Pakistan kan, terrorist kan keh safe haven dia tho nakura tak sob aid tho rukai d b kui nah directions di nah taki shae. Hoile b tai para enaka directions dia piche deh b, Defense Secretary Jim Mattis tho Islamabad keh ekta military aid package dib oleh plan kuri taki shae. Etu plan package deg USD 150 million laka upor armored gari kan taki shae. McMaster para etu tho taila sobse nutun book ‘At War with Ourselves: My Tour of Duty in the Trump White House’ deh kui shae.
Hoile b taila aha karne aid tho ruka di shae kui shae, MC Master para.
”Trump laka directions kan follow kuri b kui nah State aro Defense keh kubo leh b dictar taki shae, kun bah activities kan follow nakuri b kui nah. Mui kiba ekta discover kuri shae. South Asia strategy, kuto Pakistan keh aid nadi b koi, enaka nahoi nah, Mattis, tai Islamabad deh jah time deh, Pentagon tho ekta military aid package dibo taki shae. Etu aid package tho USD 150 million laka upor taki shae,” tai para kui shae.
McMaster para tai etu huna piche deh, tai Mattis, Central Intelligence Agency laka deputy director, Gina Haspel aro alak senior officials lokot deh meeting lubo leh mati shae.
“Terrorist organisation kun kan Afghans, Americans aro Afghanistan deh taka coalition member keh murai di ase, taikan keh Pakistan kan support dia tho naruka tak, aid tho suspend kuri d b kui nah ahi ase President Trump tho. Mui etu kui nah meeting tho shuru kuir shae. Mukan Trump etu kwa tho bhal para huni shae,’ Pakistan keh poisa ekta b jah sab oleh mun nai,” tai para kui shae.
Add Comment