Russia para taikan Ukraine laka hamla bia kuri di shae kui shae

September 1, 2024: Sunday din deh Russian defense ministry para taikan laka air defenses kan para kom seh kom 158 Ukrainian drones keh intercept kuri nah bangai di shae kui shae, news agency AP para report kuri shae. Ukraine para aha hamla tho sobse dangor hamla ase kuia se, Ukraine war shuru hua piche deh. 158 drones majo deh, tuita tho Russia laka capital Moscow upor deh intercept kuri shae aro notha tho Moscow laka surrounding jaka deh intercept kuri shae. Alak 46 drones tho Kursk region upor deh neutralize kuri shae, kuteh Ukraine para taikan laka sobse dangor attempted incursion keh launch kuri shae. Bryansk jaka upor deh 34 drones keh girai di shae, 28 tho Voronezh jaka upor deh aro alak 14 tho Belgorod regions upor deh. Alak drones kan tho Kaluga, Ryazan aro alak Russian jaka deh girai di shae, ministry para kui shae. Damages deh ekta coal-fired thermal power plant aro ekta oil refinery taki shae, kuto Moscow laka Kapotnya deh ase. Moscow deh taka ekta local official para AFP keh, teentha drone tho Kashira coal-fird power station keh laka bole koshish kuri shae kui shae. ‘Damages deh victims kan eku taka nai,” tai para kui shae.