NBSE para inform kurishey, form khan fill up buriboli laga opor tey, HSLC & HSSLC examination 2025 laga

September 10, 2024: Tai khan laga notification laga continuation tey, kuntu toh hoiley 21^st August, 2024 laga date thaki kena asey, Nagaland Board of School Education para toh hoiley notify kurishey aru bhi ekbar ki, itu date khan toh form khan fill up kuriboley laga asey, HSLC aru HSSLC Examination 2025 laga, itu Regular khan, Repeater khan aru Compartmental student khan nimitey, kuntu toh hoiley fix kuri di kena asey, itu 17^th September para 30^th September, 2024 tak karney. Aru bhi, student kun khan tai khan laga application form khan fill kuriboley fail hoishey koiley itu di kena thaka date aru homoi tey, ekta aru bhi extended date kuntu 1^st October para 5^th October 2024 tak laga diboley asey, aru itu logotey Rs 500/- diboley lagibo late submit kuria laga fee hisap kuri kena. Itu nimitey, intend kuri thaka candidate khan ke itu din khan toh yaad tey rakhiboley koishey, aru tai khan laga Application Form khan toh fill up kuriboley koishey, itu NBSE portal nbsenl.edu.in Schools/Centre khan tey jai kena, itu NBSE portal tey login kuri kena, form khan verify kuriboley koishey aru itu examination fee pay kuriboley koishey, itu alag alag category khan nimitey, candidate khan laga, itu opor tey di kena thaka date khan bhitor tey. Itu date khan par hoi jawa pichetey, eku bhi application khan accept nahobo itu pichetey.