Illegal immigration opor tey meeting loishey

September 10, 2024: Itu Deputy Chief Minister & Minister in-charge, Home, Y. Patton laga chairmanship under tey, ekta meeting loishey, alag alag Civil Society Organization khan logotey, Rhododendron Hall, Police Complex, Chumoukedima tey para, 9^th September, 2024 tey. Itu teen din September , 3^rd, 4^th aru 5^th  laga homoi tey para 360 para bhi bishi traveller khan ke screen kurishey, aru tai khan laga identity card khan toh hoiley check kurishey. Itu traveller khan toh hoiley bishi para Assam laga hamlets/town khan phaney jai thaka laga paishey – Khatkati, Lahorijan, Bokajan, aru Manja/Delai khan nishina. Kunba khan toh hoiley Dimapur/Chümoukedima town area khan tey buha nahoilebi visit kuria laga manu paishey nahoilebi Niuland, Shokhuvi, Dhansiripar/Doyapur Area khan tey kheti kuria manu khan thaka laga paishey. Itu Deputy Chief Minister para inform kurishey ki, itu railway station tey checking khan kuria toh teen muhina agey para kuri kena ahi asey.