September 11, 2024: U.S forces, kun kan Camp Victory base deh stationed hui nah ase, taikan laka osor deh tuita rocket giri shae, Baghdad airport osor deh. Security forces para Wednesday din deh kui shae. Etu incident deh material damage laka reports kan taki shae hoile b casualties kan taka nai.
“23:00 (2000 GMT) deh ekta explosion huni shae, Baghdad International Airport pitor deh,” Joint Operations Command, Iraqi Major General Tahseen Al Khafaji para taila social media X deh post kuri shae. Taikan para air traffic tho affect hua nai kui shae aro flights kan b interrupt hua nai kui shae.
Ekta senior military official para AFP keh tuita Katysuha type rockets para explosion tho cause kuri shae kui shae.
Iraq laka Iran-backed armed faction, Kataib Hezbollah para Baghdad airport keh target kura tho Iranian President Masoud laka visit keh disrupt kuri bo karne aim ase kui shae. Ekta statement deh, group para Iraqi security forces keh investigate kuri bole mati shae, kun hamla laka piche deh ase kui nah jani bole.
Add Comment