Iran para taikan successfully ekta satellite launch kuri shae kui shae

September 14, 2024: Saturday din deh Iran, taikan, country laka paramilitary Revolutionary Guard para bana ekta rocket chulai nah space deh ekta satellite launch kuri shae kui shae, state media para report kuri shae. Etu program tho Tehran laka ballistic missile program keh advance kuri bole motot kuri bo kui nah West kan bui kai.Iran kan para launch tho success ase kui shae. Husa laka success ase koile tho taikan karne second launch hobo, orbit deh satellite dala tho. Launch laka success deh independent confirmation taka nai aro Iranian authorities kan b footage kan provide kura nai.Etu launch tho Israel-Hamas war karne Middle East deh tensions utha time deh hui ase. Enaka time deh Tehran para Israel deh unprecedented direct missile aro drone attack kan launch kuri shae. U.S State Department aro American military para b comment laka request deh jawab nadi nah ase, Iranian launch upor deh.Agae deh United States para iran laka satellite launches tho ekta U.N Security Council resolution keh defy kureh kui shae aro Tehran keh enaka nishi nah activity kan nakuri b kui shae, kuto nuclear weapons deliver kuri bole capable ase.