BCCI para IPL layers karne historic match fee introduce kuri shae

September 29, 2024: India deh taka Board of Control for Cricket secretary Jay Shah para Indian Premier League deh taka players kan per game Rs 7.5 lak match fee pabo kui shae aro ekta cricketer, kun pura season deh sob league matches kan kileh, taikan Rs 1.05 crore nishi nah poisa kama bole pari bo kui shae. Etu laka upor deh, aforementioned players kan laka contracted amount, kuto taikan laka respective franchise lokot deh ase. “IPL deh taka consistency aro champion outstanding performance keh mana bole karne, mukan INR 7.5 laks per game laka ekta match fee introduce kuri bole kushi deh ase, mukan laka cricketers kan karne. Ekta cricketer, kun ekta season deh sob league matches kan kila, taikan RS 1.05 crore pabo, tai laka contracted amount upor deh,” Shah para X deh kui shae. Sob franchise para season laka match fee karne INR 12.60 crore allocate kuri bo! Etu tho IPL aro mukan laka players karne ekta nutun era ase,” tai para kui shae. Etu hua maneh, IPL kan first time karne match fee laka concept tho introduce kuri bole ase. 2008 deh form hua piche deh, league para players kan tho taikan laka auction prices isap deh earn kuri bo kui nah taki shae.