Neeraj Chopra laka honest revelation, Paris Olympics Javelin Final deh

September 29, 2024: India laka star Javelin thrower Neeraj Chopra para ekta honest revalation banai shae, Paris Olympics 2024 laka javelin throw deh. Athlete tho taila sobse best di shae pareh, hoile b taila second Olympics gold medal keh jiti bole para nai. Pakistan laka Arshad Nadeem para yellow medla tho jiti shae, ekta record-breaking score lokot deh. Nadeem para taila second koshish deh 92.97m pila bole pari shae, kuto  para bar tho bishi upor rakhi di shae. Tateh Chopra b taki shae, kun pressure pitor deh taki shae aro khali ekta legitimate throw heh kuri bole pari shae. Etu throw tho silver winning 89.45m taki shae, kuto tai second round deh pilai shae. “First throw para athlete laka mindset keh bishi affect kureh. Muila first throw tho bishi taki shae, hoile b mui ekta foul banai shae. Track tho nutun taka karne mui kun bah problems kan face kuri taki shae. Mui ekta foul napa bole karne adjust kuri boel koshish kuri shae, hoile b para nai. Competition tho dictar taki shae,” Neeraj para Mission Olympics 2036 program “Nadeem para ekta bhal mari shae. Etu piche deh mui nijor laka control hari jai shae. Mui gusa deh tai shae, kile koile mui bhal perform kuri bole mun taki shae. Hoile b ekta jaka deh mui muila technical aspect miss kuri shae,” tai para kui shae. Neeraj tho Paris deh taila Olympic Gold keh defend kuri bole para nai, hoile b tuita successive Olympic medals jiti bole first track-and-field Indian athlete hui shae. Tai Tokyo Olympics deh b ekta gold medal jiti shae, 2021 sal deh.