Bayern Munich para Bayer Leverkusen laka against draw kuri shae

September 29, 2024: Saturday din Bundesliga deh champions Bayer Leverkusen para Bayern Munich keh draw deh rukai di shae aro match deh Harry Kane jokom kai shae. Robert Andrich para visist kura manu keh agae rakhai di shae, 31 minutes hua piche deh. Hoile b Aleksandar Pavlovic para ekta ling range shot mari nah leaders Bayern lokot deh levek kuri di shae. England captain Kane tho ekta foot jokom lokot deh pitch para olai jai shae. Tai tho Leverkusen laka Anmine Adii lokot deh laka laki hui shae aro 4 minutes bacha time deh olai jai shae. Coach Vincent Kompany para jokom tho kiman bai ase, etu itia kubo leh bishi jutli ase kui shae, hoile b Kane tho, Wednesday laka Champions League clash karne fit taki bo kui nah hopeful ase kui shae. “Mui laka hath deh thik information tho nai, hoile b mui hope kuri ase, etu tho chutu jokom ase kui nah aro mukan taike etu hapta wapas ani bole,:” Kompany para kui shae.