North Korea, 9 Oct 2024: North Korea koishey rasta aro railway rasta sop bon kur dibo Wednesday din pra. Etu duita country te pura puri alak kuribo nimite.
Military khan pra koishey premanently bon kurina block kuri dibo southern border toh. Enika kurina wall khan bano side area te.
Korean People’s Army (KPA) etu kura toh taikhan self-defense nimite kuri ase war karne. South Korea te war la kam khan kura karne .
Korean peninsula te enika military situation olai ja nimite Democratic People’s Republic of Korea(DPRK) la armed force khan aro kara step lubo olaishey. National security ke bachabo nimite. Korean People’s army pra report te koishey media KCNA pra publish kuri la te.
Etu hwa toh bishi dangor step loishey Pyongyang pra. North Korea pra South te ja la rasta aro railways khan b bishi nachulai. Aro North Korea authorities khan purana saal pra olai d thakishey.
Puila te b North Korea ruler Kim Jong-un 2023 la starting te koishey south Korea lokot milibo leh aro try nakuribo. Etu nimite te manu khan lagishey Korean Peninsula te war toh aro shuru hubo.
Add Comment