India, 15 Oct 2024: Country manu khan Industrialist aro Philanthropist Ratan Tata murina apsus thaka time te ekta manu Ratan Tata la face taila chest te tattoo mari ase. Etu manu tattoo mara social media te viral hoi ase.
Tatto artist Mahesh Chavan, insta te ‘themustachetattoo’ koina mon cha la video share kurishey ekjun manu tattoo maribo aha laka. Video te etu manu pra story koishey tai kileh Ratan Tata te real-life god matae.
Etu manu pra Chavan ke koishey olop saal purana te taila sati cancer pra duk pai thakishey, taikhan dangor hospital khan ke treatment lubo kurishey. Hoileh over dam hwa nimite taila sati b treatment toh lubo napareh hoishey. Toh taikhan Tata Trusts jani paishe, tadeh free treatment di ase koina hunishey. Etu manu pra koishey taila sati toh admit kuri kina olop saal par hoina bhal hoi jaishey. Tai aro b koishey etu ekala nahubo, Trust khan manu bishi ke b bachai kina thakibo. Etu karne tai Ratan Tata te real-life god matae aro enika kurina tai Ratan Tata la principles khan follow kureh.
Manu khan bishi react kurishey etu video te. Ekjun pra koishey ‘Best tattoo ever’.
Add Comment