October 17, 2024: Wednesday din deh ekta gari, Medak district deh taka ekta roadside canal deh giri jah tho eki kandan laka satha manu muri jai shae. Etu accident tho Telangana deh hui shae, police kan para kui shae.
Accident tho Usirikepally bosti laka Shivvampet block deh hui shae, 4:30pm phale. Muri jah manu kan tho Shanti Singh (38), Mamata (12), Anitha (35), Indu (13), Sravani (12), Shivaram (56) aro Durgi (45) ase kui nah identify kuri shae.
Shanti Singh laka mota, Nam Singh(45), kun gari chulai taki shae, taila condition tho critical ase kui shae ekta police official para. Victims kan tho Ratnapur aro Pamubanda bosti para ase kui shae. Taikan tho Muthyalamma temple deh taka ekta folk festival deh part lua piche deh wapas bosti deh ahi taki shae kui shae.
“Usrikapalli aro Ratnapur laka beach deh taka rasta tho banai ase. Mota, kun fast para gari chulai taki shae, tai gari laka control hari jai shae aro culvert keh lakai di shae. Gari tho speeding kura time deh, hawa deh uri jai shae aro ekta ghas deh crash hui jai shae. Ghas keh laki nah canal deh giri jai shae,” officer para kui shae.
Add Comment