Housekeeping staff para Noida school maike keh sexually assault kuri shae

October 19, 2024: Noida-based school deh pura students laka baba aro ama kan para institution lah bahar deh ekta dangor protest stage kuri shae, ekta school staffer para ekta teen sal laka maike student keh sexually assault kura piche deh.Saturday din deh hobo taka ekta parent-teacher meeting keh cancel kuri di shae, school tho questions kan keh jawab dibo mun nataka karne, ekta parent para The Times of India keh kui shae.Alak parent para school management keh question kuri shae, transparency nataka karne aro bacha kan laka safety keh nasa karne.Bacha laka ama para school management keh botnam di shae, case deh fail kura karne, kile koile school kan para student laka complaint keh huna nai. Nahu nah tho predator para maike keh tui par target kuri shae.Maike laka ama, baba para media keh ekta open letter b liki shae, taikan laka maike bacha karne justice mangi bole.