Tehran, 23 November: Washington pora chemical weapon programme ase koikena kelaaf korikena thaga deh Friday din Iran pora etu toh nai koikena ektum gara pora reject korise. Iran pora arobe kelaaf kora toh, Washington pora international watchdog logode wada korikena thaga toh phangkaidese. President Donald Trump laga administration pora Iran logode kelaaf korikena bothnaam kora toh sobse notun round ase. Etu sal agae moina time deh US Trump toh major powers aro Tehran majode laga 2015 nuclear deal pora olaija thakise. Etu bechide US pora Iran logode sanctions kora thakise. Foreign minister pora kowah toh, United State khan toh Islamic republic logode kelaaf korikena bodhnaam kora aadthad hoise. Etu deh ami khan etu gara pora kelaaf kori kena reject koise. Iranian nation logode enaga kelaaf kori thaga pora International interest deh rokhai ase aro etu pora Zionist regime’s chemical arsenal aro terrorist groups logode support pai ase koise. Iran pora chemical weapons programme janaidebole fail howah karni Thursday din US pora bodhnaam kora thakise. Prohibition of Chemical Weapons laga Organisation logode US envoy Kenneth Ward pora kowah toh, Tehran be dekthari pai thaga plan nemide ektum katharnaak agents lagi ase. Iran pora official khan logode wada kora toh, OPCW laga pura khobor toh thek pora debo. Aro US khan logode chemical weapons arsenal thaga beya-koridebole (destroy) eku duty toh etya tak nai. Etu pora etu beya koridebo karni kelaaf kori thakibole ase koise. 1918 laga World War I kothom howah bechide, Iran be tusara desh khan olob thaga majode ekta ase chemical weapons pora hamla hoi thaga toh. 1980-88 war time deh Saddam Hussein’s Iraq pora Iran logode chemical hatyar jola pora Iran laga tens of thousands Iranian sepia aro civilians moraideya thakise. Etu time pora Iran khan toh kondu desh pora be chemical hatyar najolabe koikena ektum kelaaf korikena ase.
Add Comment