US-China business kotha toh eki hobo lagi aro ekli lub pabo lagi: China

Agencies, 23 November: Friday din Chinese Vice Commerce Minister Wang Shouwen pora United States aro China laga business kotha toh eki lub (profit) powah laga hobo lagi koise. Tai toh tuita desh majode dekthari pai thaga kotha pora phal hoijabole biswas kori ase.  Ahha hapta Buenos Aires jaga deh G20 laga summit thaga time deh US President Donald Trump aro tai laga Chinese counterpart Xi Jinping toh log koribole biswas kori ase. Beijing jaga deh Wang pora press conference time deh kowah toh, tuita desh be eki direction pora jaikena dekthari pai thaga phal hobole biswas kori ase. Tai pora tuita desh laga official khan be tai khan nejor laga leader pora saijaikena osor contact deh ase koise.  Washington khan Beijing pora lagi thaga toh, market deh kusha phal hobole aro intellectual property protections deh, U.S company, industrial subsidies aro 375 billion trade gap katibole lagi ase. Etu laga kotha koribo karni Trump pora China laga imports deh $250 billion tariffs kora thakise. January 1 time deh, US pora 10 percent pora 25 percent othaideya toh China laga saman ke $200 billion tariff rate korikena kora thakise. Trump pora be US laga demand ke fail hoise koile bachi thaga saman ke $267 billion pora opor koribo koikena China logode bhoi khela thakise. Thursday din Trump pora kowah toh, tai Xi logode log kora time deh China logode deal koribole biswas kori ase.