Lebanon, 24 Oct 2024: 19 manu murishey, tadeh pra 6 maiki aro 5 bacha thakishey. Southern Lebanon, Tuesday din te ghor te airstrike pra murishey, local officials pra janai dishey.
Saud Hammoud pra BBC ke koishey mura manu te purana school principal Ahmed Ezzedine thakishey aro taila family laka tinta generation b. Taikhan sop Teffahta bosti te tinta storey building te bhui thakishey.
Bosti laka iman, Sheikh Abdo Abo Rayya toh taila ghor osor te bira time te strike ahina murai dishey, tai lokot osor te duita manu b thakishey.
Israeli military khan echa tak etu incident laka eku koi na, hoileh b bishi bar koishey taikhan measures loi manu khan ke komti jokom kuri boleh.
Ms Hammoud koishey Wednesday din, Teffahta laka air strike toh Ahmed Ezzedine laka cousin aro brother-in-law Khodr laka funeral loi kina hoishey. Taijun Monday din te Marwanieh laka bosti te Israeli airstrike pra muri jaishey.
Add Comment