Kaula Lampur, Malaysia, 25 October 2024: Ekta Japanese tourist murishey aro 12 manu jokom hoishey ekta tour bus ahi kina truck laka pichideh te mari dia time, Malaysia laka highway te. Japan laka ekta sopse dangor travel agencies pra Friday din te koishey.
JTB Corp pra koishey etu crash toh Thursday din, Perak state, central Malaysia te hoishey. Bus toh Penang pra Cameron Highlands te jaishey, ekta popular tourist jaka, tea plantation pra jana.
Maiki ekta 70 saal nishina toh jokom khan pai kina muri jaishey, JTB president aro CEO Eijiro Yamakita pra new conference, Tokyo te koishey.
Malaysia laka fire aro rescue department pra koishey bus toh 3 mota aro 8 maiki Japan pra bhuki thakishey, sop senior citizens, aro bus driver aro ekta local tour gude. Taikhan koishey sop 13 victims ke stretcher te loi jaishey aro jaka te chutu treatment pai kina hospital te loi jaishey.
Yamakita koishey kunba bachi ja manu khan toh biya pra jokom pai kina ase. Taikhan laka exact halat toh najaneh, aro etu crash kinika hoishe echa b investigate kuri ase.
Yamakita koishey bus toh local tour operator pra hire kurishey aro JTB alak safety measure standards khan sop thakishey.
Add Comment