Newport, 25 October : Maria Sharapova aru American twins Bob aru Mike Bryan ke 2025 laga International Tennis Hall of Fame Class te select kuri loise, organisers Thursday din khobor dishey.
August 23, 2025 te Hall of Fame, Newport, Rhode Island te official induction ceremony hobo.
Sharapova, jun panch bar singles Grand Slam champion ase, alag dus zana moila majote ekjon ase jun career Grand Slam complete kuri loise. 2005 te tai first Russian mahila banise world number one ranking pahunjia. Tai 2012 London Olympics te bhi silver medal jitise.
Tai laga determination aru never-say-die spirit khel te famous thakise, jitu shoulder injury nimite bhi rokha nai thaki. Kintu 2016 te tai laga image nimite problem ahi jabole start kurise jabole tai drug test fail kuri loise. Australian Open 2016 te Sharapova meldonium te positive test kuri loise, aru International Tennis Federation dwi bosor nimite ban marise. Tai laga appeal upor tai laga ban 15 mahina te komti kuri loise.
2017 te Sharapova wapas competition te ahi, kintu February 2020 te retire kuri di. Tai laga career te, tai $40 million prize money jitise, aru duniya laga highest paid sportswomen majote ekjon banise, junto bisheh recognisable athlete bhi ase.
Bryan twins, Bob aru Mike, history te sobse successful doubles team ase, aru 16 Grand Slam men’s doubles title jitise.
Duniya laga top-ranked doubles team nimi 438 weeks tai khan record set kuri loise. Californian twins khan professional era te 119 titles jitise, junte 39 ATP Masters 1000 titles, 16 Grand Slam aru ATP Finals title char bar majot ase.
Tai khan 2012 London Olympics te gold medal jitise aru 2007 te U.S. Davis Cup-winning team laga part bhi thakise.
Add Comment