Iran para kinaka Israeli hamla deh ki kui shae

October 26, 2024: Saturday din Israeli military para Iran deh airstrikes kan conduct kura piche dehm Iranian officials kan para taikan Israeli laka aggression keh jawab dib oleh ready ase kui shae. Etu tho Iran laka semi-official Tasnim news agency para kui shae.Tasnim para ekta nam nadia official keh quote kuri shae, kun para etu kui shae,” Israel kan ki action lui shae aro lobo, etu karne ekta thik jawab pabo leh sure ase.”Iran kan agae deh b Israel keh warning di shae, taikan laka country laka against action lui shae kui leh tho.Israeli forces kan para taikan Iran deh taka military targets deh strikes kan launch kuri shae kui nah confirm kuri shae. Etu hamla tho taikan laka against October 1 deh hamla hua karne ase. Israeli military para release kura statement ekta deh taikan para etu kui shae,” Iran aro taikan laka proxies kan October 7 din piche deh narukina hamla kuri ase. Dunia laka alak sovereign nation nishi nah, Israel laka State b jawab dib oleh right aro duty ase.”Strikes para ki ki bangai di shae, etu deh eku confirmation nai itia b. Israel kan para taikan laka defense system tho high alert deh rakhi nah ase, Iran para action kan lui shae koile tho.Friday din deh Lebanon laka health ministry para Israeli strikes kan para 41 jun muri jai shae kui shae aro 133 jun jokom kai nah ase kui shae, 24 hours pitor deh.