North Korea para Russia deh troops patai dia tho international law keh follow kureh kui shae

October 26, 2024: Friday din deh North Korea para taikan, Russia deh troops kan patai dia tho international law laka line pitor deh ase kui shae, state media para report kuri shae. Hoile b taikan soldiers patai shae kui nah tho confirm tho kura nai.“Dunia laka media kan ekta laka kotha kuri ase koile tho, muila laka papna deh etu tho international law laka regulations deh ase,” Kim Jong Gyu, Russia Affairs laka charge deh taka vice foreign minister para kui shae. Etu report tho official Korean Central News Agency isap deh ase.Seoul aro Washington paera nuclear-armed North keh accuse kuri nah ase, hazar nishi nah troops kan Russia deh patai dia karne. Ukrainian President Volodymyr Zelensky para etu troops kan tho Sunday din para battle deh jabo pareh kui shae.South Korea para troops kan deploy kura tho slam kuri shae. Taikan para Russia keh Pyongyang lokot deh illegal cooperation nakuri b kui shae. Etu heh nahoi nah taikan laka stance, kuto Ukraine deh weapons provide kuri bo karne ase, etu keh review kuri bo kui shae.North Korea laka representatives kan para etu claims kan tho dismiss kuri nah ase.