Gulmarg hamla pichae deh Pak-based terrorist ase: Officials

October 26, 2024: Friday din deh Security forces para Gulmarg aro Butapathri laka forest deh search operations tho uthai di shae. Taikan drones aro helicopters kan chula shuru hui shae, terrorist keh bisari bo karne. Thursday din deh terrorist kan para army gari laka upor deh hamla kuri shae. Etu hamla deh tuita soldier aro tuita porters muri jai shae.Search operation tho LoC aro hamla hua laka jaka osor deh hui shae, morning time deh. Terrorist kan hamla kura piche deh forest deh retreat kuri shae kui nah information pah piche deh search operation laka jaka tho aro dangor kuri di shae kui shae officials para.“Searches tho jai ase itia. Etu jaka tho ekta dangor forest range ase, kuto LoC lokot deh connected ase, ekta side deh, alak side deh Uri aro Baramulla aro alak side deh Budgam lokot deh connected ase. Mukan hamla kura manu keh bisari bole hopeful ase,”Ekta senior officer para etu mamla deh kui shae.“Mura manu tho Rifleman Jeevan Singh, Rifleman Kaisar Ahmad Shah aro Defence Porters Mushtaq Ahmad Chowdary aro  Zahoor Ahmad Mir ase kui nah identify kuri shae.  Soldiers kan lokot deh tuita Kashmiri porters Zahoor Ahmad Mir aro Mushtaq Ahmand Choudhary keh b murai di shae. Pakistani terrorist kan Valley deh bui tho uthai bo karne jani jani nah Kashmiri locals keh target kuri ase kui nah evident ase,” ekta defense spokesperson para kui shae.