Investigation pra ex-Abercrombie laka boss ke sex trafficking charges tak loi jaishey

United States, 27 October 2024: New York laka federal courtroom te, first time karne moi face to face ase Mike Jeffries lokot – ekta multi-millionaire ex-fashion boss, 3 saal karne investigate kurishey BBC khan karne. Tai moike direct sai thakishey, chin uthai kina, judge laka agae te bhoa time te. Moi laka reporting kam nimite, taike this week FBI khan pra dhurishey aro  charged kurishey international sex trafficking aro prostitution business nimite tai laka British partner, Mathew Smith aro taikhan laka middleman James Jacobson lokot. Authorities khan moila podcast series, The Abercrombie Guys ke huni kina. Tadeh taila Mr Jeffries 80 saal aro Mr Smith 62 saal laka evidence olaishey. Taijun  ekta global operation laka center thakishey, tadeh recruiters khan thakishey aro ekta middleman, chokra khan ke sex nimite scout kureh. US laka prosecutors khan pra koishey tai aro alak accused khan jobor jost, fraud aro coercion kurishey mota khan ke violent or exploitative sex kam khan kuribo leh 2008 pra 2015 tak. Eni taikhan ke convict kurishey koileh, taikhan life te prison te thakibo.