Helicopter Medical worker ke bhukhi thaka Russia te crash hoishey, 4 manu murishey

Russia, Moscow, 27 October 2024: Ekta Mi-2 helicopter Russia laka central Kirov region Saturday din te crash hoishey, 4 manu total thaka toh sop muri jaishey. Emergency officials khan pra report kurishey. Helicopter toh ekta pilot pra operate kurishey aro ekta doctor aro duita paramedics ke bhukhi thakishey, east Moscow 700 kilometers nishina te Beleenki bosti laka jongol te crash hoi jaishey. Russia laka emergency ministry la online statement pra koishey. Rescuers khan first toh crash hwa laka jaka te khali tinta body paishey, hoileh b olop deri hoi na fourth body b paishey. Ministry pra janai dishey. Authorities khan kwa nai etu crash toh ki karne hoishey.Mi-2 toh chutu, Soviet designed laka helicopter ase aro alak kam khan nimite bishi chulai.