[Induchukhu] Roing, October 31, 2024: October 17 din te, Upadhya toh Uttar Pradesh para ase koishe, aru tai toh Vivekananda Kendra Vidyala, Roing te Hindi Teacher kurea ase koishe, aru taike arrest kuri loishe koishe, 11 saal maiki ekta ke sexual insult aru duk dea nimete.
FIR lodged kurea laga Hisab te, Roing Police Station para October 17 din te Etu maiki baba aru ama para report kurishe. Aru October 11 din te etu Hindi Teacher para etu maiki laga parents khan ke phone kuri kina, etu maiki ke mati kina tai laga assignment khan mangi thakhishe, aru Etu maiki laga exam te performance khan bi tailaga baba ama khan ke koi thakhishe koishe. Aru etu Hindi teacher para etu maiki ke ekila kotha kuribole mun jai ase koishe, Tailaga Kitab nimete counselling dibole koishe. Aru maiki laga ama para loud speaker te dali kina kotha khan toh huni thakhishe koishe, aru etu teacher para etu bacha maiki ke bia kotha khan kurea toh Ama para hunishe. Aru tai laga baba ke koishe, Aru yete para taikhan police ke report kuri dishe koishe.
Ari October 20 din etru school authorities khan para etu khobor huni kina, etu teacher ke khitai dishe koishe. Yete VKV Arunachal Pradesh Trust, Dibrugarh laga letter hisab te.
Add Comment