Odisha pra NEP 2020 toh current academic saal te implement kuribo universities khan ke

Odisha, 10 November 2024 : Odisha Government khan National Education Policy (NEP) 202 toh current academic saal pra implement kuribo leh ase sop state-run universities aro affiliated colleges khan te, statement pra koishey. Etu decision toh Chief Minister Mohan Charan Majhi pra loishey, etu kura toh State laka education system te changes anibo nimite kuri ase, enika koishey. NEP laka hisap lokot te, four-year undergraduate programmes khan shuru hoi jabo, regular three-years courses khan ke replace kuri dibo. Students khan certificate, diploma, degree aro degree lokot honours kamabo paribo four-year programme te each saal khotom kuri kina. Enika koishey. State government khan credit framework banai shey University Grants Commission (UGC) laka guidelines hisap pra. Etu laka under te students khan taikhan nijor halibo pareh skill development, internship, community service aro extra-curricular activites, NCC aro NSS khan te credits kamabo leh, statement pra koishey. Students khan ke madat kuribo pareh taikhan laka nijor subjects lubo leh aro degree course khotom kuribo leh six saal laka bitor te, multiple entires laka option thakinai aro taikhan laka institution pra exit thakina, enika koishey. Government khan aro steps loishey higher education system ke aro qualitative, autonomous aro inclusive bana boleh, per NEP 2020. NEP toh research aro innovation agae jaboleh banaishey schemes, practical-based learning madat pra aro internship laka madat pra skills development b industry laka bitor te. Course khan aro employment-oriented hubo aro industry laka requirement fulfill kuribo. Chief Minister’s Office pra statement issue kura te koishey.