Endurance laga Mountain Biking ‘Monduro 4.0’  Toh Tawang Te jai ase

Tawang, November 11, 2024: Monduro 4.0 cycling laga event, Duniya laga sobse bishi endurance mountain biking competition aru Asia laga Enduro Series, Etu saal toh Tawang te kurea ase koishe.

Saturday din te Local MLA Namgey Tsering   para etu event te flagged kuri kina khulishe Tawang laga birai laga jaga bazaar te. Yete Tawang laga Brigade Commander Brigadier VS Rajput, ADC Sang Khandu, DTO Tsering Deki aru alak Senior Officers khan bi thakhishe koishe.

Etu event to Tawang laga Cycling Association khan para Khulishe koishe, Dr Dukhum Magu para led kuri kina, aru State laga Tourism Department khan para poisa dishe koishe.

Aru etu saal laga participants khan toh adta foreign laga nations khan para, aru India laga alak alak jaga para bi ahishe koishe.

Etu suru kurea toh 14,400 feet upor uthibo aru niche 8,000 feet namibo koishe, etu Monduro 4.0 toh duniya sobse duk race ase koishe, aru manu bishi janea koishe.

Khulea laga ceremony te Tsering para koishe ki, Monduro 4.0 toh Tawang te tourism toh uthabole nishina ase koishe, yete International participants khan bi ahi kina, Taikhan laga Arunachal Pradesh natural aru jaga laga sundur khan bi janibo koishe.

Source: https://arunachaltimes.in/index.php/2024/11/10/endurance-mountain-biking-monduro-4-0-underway-in-tawang/ 

November 11, 2024. 9:19 AM

Longtharai Gura Masala Bika Manu Ke Hamla Hoishe, Aru Rs 2 Lakh Nishina Uthai loishe, Belonia Te

Agartala, November 11, 2024: Longtharai laga Gura Masala bika manu, Biswajit Saha ke Hamla hoishe koishe,Friday rati 9 pm nishina te Tailaga gari rukhaishe koishe, Blood Mouth Club laga agea te, aru 2 lakh nishina uthai loishe koishe. 

Biswajit Saha para koishe ki, tailaga gari ke rukhai she koishe, aru taike marishe koishe,  aru tailaga haat para Rs 2lakh nishina uthai loishe koishe. Etu homoi te tai para, Belonia laga Police Station te complain toh file kurishe koishe. Police khan laga hisab te, complain toh loikina taikhan , etu marea manu khan ke bisaribole suru hoishe koishe, taikhan ke arrest kuribole nimete.

Source: https://tripurainfo.com/news.aspx?intnid=22337&title=Longtharai-Gura-Masala-Salesman-Assaulted—Robbed-Rs.-2-Lakh-in-Belonia 

November 11, 2024. 9:28 AM

Banduk Khan Didishe NES laga Program te

Agartala, November 11, 2024: Saturday din te, Tajgi te Param Putu Cicle laga Keyi Panyor District te. Airguns, SBBL/DBBL laga banduk aru alakhatiar khan bi didishe, nahoilebi surrender kuri dishe koishe. Taikhan wildlife bachabole programme toh khulishe Nyishi Elite Society (NES) laga Keyi Panyor District Unit te, yete District Administration khan logote mili kina.

Etu programme laga tarika toh, ‘Jongol janwar aru chiriya manso khan ke nakhabole’ . Etu te manu bishi ahishe koishe. Yete PRI members, GBs, administrative officials aru local manu khan ahishe koishe. Etubi Airgun Surrender Abhiyan laga tarika bi ase koishe.

Etu programme te NES Leaders khan bi Eco-friendly laga tarika kuribole lag ate koishe.

Khali District laga NES Executive members, Central Executive Members khan elika nahoi kina, NES laha Lower Subansiri in-charge Tabia Chobin khan bi thakhishe koishe.

Source: https://arunachaltimes.in/index.php/2024/11/10/guns-surrendered-during-nes-organized-prog/ 

November 11, 2024. 9:37 AM

Bharalumukh Station Te Gushi Bole deanai Police khan para

Guwahati, November 11, 2024: 3da Youth ke policekhan para duri loishe koishe, Taikhan Ghas bachabole nimete protest kurea karne. Yete Flyover bridge banai le ghas khan katibole ase, etu nimete protest jaishe.

Etu durea manu khan lagan am toh, Marshal Baruah, Angkuman Bordoloi aru Kamal Kumar ase koishe, Aru taikhan ke Bharalumukh Police Station te dali kina ase koishe, bishi tight security para. Yete supporters nahoilebi, media manu khan ke bitor te gushi bole nadea koishe, Police Station te.

Yete durea manu khan protest jaikina, Picture te, ‘Objectionable’ toh likhishe, aru likhishe ki, “Himanta ke lak mari, aru nature ke bachabi”. Aru olop pichete etu likhea laga toh report kurishe ki, “Please Himanta, Nature ke Bacha Bi”.

Aru yete Bharalumukh Nagarik Samannay Raksha Samiti para khulea laga, Protestors khan toh Rohini Kumar Choudhury laga Rasta te jama kurishe koishe, 11AM enika te. Yete taikhan manu laga chain nishina bani she koishe. Yete taikhan 3da din nishina protest kurea ase koishe, Students khan aru tate thakhea manu khan. Ghas ke bacha bole nimete.

Aru yete State Government para koishe ki, taikhan aru flyover laga tarika toh aru adjust kuribo koishe, aru yete ghas khan ekta ke bi nakatibo koishe, Flyover rasta banai homoi te.

Source: https://assamtribune.com/guwahati/police-restrict-entry-to-bharalumukh-station-after-detaining-three-for-tree-felling-protest-1557499 

November 11, 2024. 10:01 AM

Mizoram: Duita Mynamar Manu Ke Durishe Aizawl Te; 3 Kgs laga Heroin Drugs Bi Durishe

Mizoram, November 11, 2024: November 10, Sunday dinte, Excise and Narcotics Department aru Zemabawk East Joint Action Committee (JAC) khan mili kina operation kurishe aru, 3 kilogram opor Heroin drugs toh durishe, Aizawl laga Zemabawk East jaga phale. Yete taikhan duita jaga te operation kurishe koihe, Kana Thar lag ate. Aru taikhan 3da manu ke arrest kurishe, yete duita toh Myanmar Manu ase koishe.

Authorities khan para 2.557 Kgs Heroin drugs nishina durishe koishe, Thangmuansein (30) aru Thangkhansawm (22) laga haat para, Aru duijun bi Tuithang laga Tiddim para ase koishe, Myanmar te. Taijun ke Zemabawk East, Kanan Thar laga jaga para durishe koishe.

Aru ekta toh, 1.77 Kgs Heroin drugs Sowab Uddin (23) laga haat para durishe, tai toh Tukar laga Bazar te thakhea, Patharkandi Assam laga Karimganj District te. Uddin ke bi eki jaga para he durishe koishe.

Etu 3da manu kebi Narcotic Drugs and Psychotropic Substances Act, 1985, laga bitor te charge kurishe koishe. Ari taikhan ke jail te dali dishe koishe. Aru taikhan laga case toh Special Court (NDPS Act) Aizawl District khan ke didishe koishe, aru investigation khan kuribole.

Source: https://www.indiatodayne.in/mizoram/story/mizoram-two-myanmar-nationals-arrested-in-aizawl-over-3-kgs-of-heroin-seized-1118712-2024-11-10 

November 11,2024. 11:06 AM

Manipur: Security Forces khan Bishi Hatiar aru Guli Khan Durishe Hills aru Valley District Para

Manipur, November 11, 2024: Security Forces khan bisarea laga operation khan kurishe, Pahar aru valley district phale Manipur te. Aru taikhan bishi banduk aru guli khan bi durishe koishe.

Yete taikhan pa laga saman khan toh, charta 12-bore single-barrel rifles, ekta 7.62mm local para banai laga rifle aru ekta .303 rifle. Arubi taikhan Country para banai laga 3da Pompi banduk, Ekta country para banai laga Lathode banduk khan toh durishe koishe. Aru etu Search Operation para bi taikhan duita AK-47 laga magazines aru yete 40 guli namarea laga bi ase koishe, yete para thaikhan luka laga jaga phale banduk te dhunni ase koi ase. Aru Forces khan para bi 3da phutea laga devices (IEDs) aru duita communication headsets aru single charger bi ase koishe.

Arubi, duita country para banai laga 9mm pistols aru magazines, .22 rifle aru magazine aru local para banai laga Pompi bi paishe. Athorities khan para bi .36 phutea laga (HE) grenade, 6 guli nachula laga aru 27 khali shells khan bi paishe koishe.

Aru operation kurea homoi te aru, duita dunga grenades aru 5 tear gas shells. Team khan para bi BOAFENG kotha kurea laga handset, pistol laga daba, duita bulletproof jacket aru jongol laga boots bi paishe koishe. Etu hatiar khan sob Utangpokpi Pahar jaga Kakching Distrcit para paishe koishe.

Source: https://www.indiatodayne.in/manipur/story/manipur-security-forces-recover-huge-cache-of-arms-and-ammunitions-in-hill-and-valley-districts-1118812-2024-11-11 

November 11, 2024. 11:20 AM