Agartala, November 14, 2024: Tuesday din te, Kaam kurea manu khan, Mati bitor te Gas laga Pipline toh bia kuri dikina jui olaishe koishe. Barjala laga Agartala te. Manu khan dikhi laga hisab te, etu jui toh rasta laga kiner te jui ola toh dikhibole parishe 1:30 pm din phale. Pichete taikhan janibole parishe ki, kaam kurea manu khan najani kina bia kuri dishe koishe, Etu nimete jui toh suru hoishe koishe.
Aru etu homoi te Frie Brigade khan phat etu jaga teahi kina jui toh mutai dishe koishe. Aru etu jui toh 10-15 meters nishi na upor te uthishe koishe. Yete local manu khan babishe ki, etu jui toh light wire laga rosi bi lagi kina dangor jamala olabo neki babi thakhishe koishe, hoilebi fire brigade khan thik homoi tea hi kina jui toh mutai dishe koishe. Aru kaam kurea manu khan ke koishe ki, nutun projects nimetekaam kuri kina mati bitor te khundi homoi te hosiar thakhi bi koishe, aru enika jamala na ulabole nimete.
Add Comment