Aizawl, November 14, 2024: Wednesday din te, Mizoram laga Police aru Assam Rilfes khan mili kina Operation kurishe koishe. Aru yete taikhan phutea laga hatiar khan bishi paishe koishe. Aru Aizawl laga osor te duita manu nishina kebi Arrest kurishe koishe.
Assam Rifles khan para koishe ki, Taikhan khobor huni kina tarika khan phat kurishe. Aru Assam Rifles aru Mizoram khan mili kina Mobile Check Post Lawipu Junction, Aizawl laga osor te check kurishe koishe.
Aru etu homoi te taikhan Taxi ekta ke rukhai kina, etu gari ke bitor khan te check kurishe koishe. Aru taikhan 1,000 gelatin lathi, 1,000 detonators aru 20 meters laga safety fuse hatiar khan paishe koishe.
Aru Security Forces khan para bi, Methamphetamine Rs 7.2 Crore laga daam nishina durishe koishe. Champhai laga District Mizoram te.
Assam Rilfes aru Local Police khan mili kina Buga Swift Dzire ke rukhai she koishe Zokhawthar-Melbuk Rasta te. Aru taikhan etu gari bitor te bisarea homoi te, taikhan 2.399 kg Methamphetamine toh bag bitor te para paishe koishe.
Aru etu Gari no. MZ 01F 6155 toh uthai loishe koishe police khan para. Aru Zokhawthar Police Station te pathai dishe koishe, aru investigate kuribole nimete.
Add Comment