KAMPALA, UGANDA, 26 November: Sunday te Uganda Police koishe 30 manu dubishe aro 60 opor manu mura suspect korishe. Etu toh Lake Victoria te nau duba para ase. Bacha(survivors) manu para Asuman Mugenyi ke koishe nau te 90 manu thakishe. Dikha manu koishe nau toh kamai(earn) bishi hubole renovation hoi kena thaka joborjos service te anishe. 100 manu bokhi kena thaka nau biya weather huwa nimite dubishe. Mutima Country Resort games khele jag ate police para duba manu khan laga bodies khan toh olaishe. Modu khai kena nau te bera aro music aro dance toh etu lake te popular ase. James Matovo koishe etu nau duba laga Saturday rati te bishi hawa mari thakishe aro thanda thakishe. James koishe modot joldi paile bishi manu moribole thakanai. Rescue services khan jawab bishi aste dishe. Modot kora team nohoi kena mas-mara(fishermem) khan para he bachabole jaishe. Pessangers khan swim koribole najana karne bishi manu morishe. Matovo koishe bachabole aaha khan bhi tai khan ke bacha bole kosis te morishe. Manu khan bishi nau te uthibole kosis te morishe. Ekta manu toh pani bhitor te tana(pull) para morishe. Matovo koishe pani laga accidents toh bishi dikheshe hoilebhi etu toh biya thakishe. Local official Richard Kikongo, koishe eto 90 manu bukha lagan au toh bhal condition te thakanai. Mura majote nau laga malik aro tai laga maiki bhi thakishe. Mugenyi koishe overload opor te pessangers khan modu khai kena thaka karne aro biya weather para etu hoishe Emilian Kayima police spokesman koishe bachabole program toh etiya bhi koriase. Lake Victoria toh bishi biya nau gatna laga ase. September te bhi hundred opor manu morishe kitiya MV Nyerere nau dubishe. Etu toh Lake Victoria laga Tanzanian side te hoishe.. Etu Lake Victoria toh 70,000 square kilometres (27,000 square miles) ase. Lake laga size toh Ireland laga size genika ase.Etu lake toh Tanzania, Uganda aro Kenya para share kore. Red Cross kuwa hesab te 1966 te bhi 800 opor manu Lake Victoria te morishe. Etu toh MV Bukoba duba para ase.
Add Comment