Manipur, November 18, 2024: Saturday rati te, North eastern State Manipur te nutun jamala ulaishe koishe Protestors khan para, Yete Militants khan para choita manu ke murai dishe koishe Jiribam laga District te. Aru taikhan 3da State Ministers aru Choita MLA khan laga ghor julai dishe koishe.
Aru Officials khan para koishe ki, Chief Minister N Biren Singh laga ghor bi. Yete gusa uthi kina Ptotestors khan para PWD Minister Govindas Konthoujam laga ghor julai dishe koishe Ningthoukhong te. Hiyanglam laga BJP MLA Y Radheshyam laga ghor Langmeidong Bazar tre, Wangjing Tentha laga BJP MLA PaonamBrojen Thoubal laga Distrcit te, aru Khundrakpam laga Congress MLA Th Lokeshwar Imphal East District te.
Manipur Police khan para Sunday din te koishe ki, Etu laga bodli te Government khan para pasta district te prohibitory orders dishe, aru internet services khan bi bon kuri dishe koishe State te. Yete Protestors kuri kina Ghor jula khan, 23 manu nishina ke arrest kur loishe koishe Police khan para.
Etu jamal toh kinaki ulaishe koile, Saturday rati te taikhan duita maiki laga dead body aru ekta bacha laga dead body pa pichete ase koishe. Taikhan ke Monday para nadikhi ja toh, Barak Nodi Jiribam te muri kina paishe koishe. Etu taikhan laga body toh muri kina Friday rati te paishe koishe.
Add Comment