Mizoram, November 20, 2024: Assam Rifles khan November 19 din te, Mizoram laga Excise aru Narcotics Department khan ke mili kina, duita maiki ke arrest kurishe koishe, YETE Heroin Drugs Rs 1.54 Crore laga thakhi kina, Champhai District te.
Ekta khobor te, Mizoram Police para koishe ki, Monday din te etu duita toh ke joint operation kuri thakhishe koishe Zote Bosti te.
Assam Rifles khan para koishe ki, Yete Total 220.13 Gram Heroin nishina uthai she koishe, taikhan laga haat para.
Etu duita maiki ke Excise aru narcotics Department khan ke didishe koishe, aru investigate kuribole nimete.
Aru ja week te bi, Assam Rifles aru Excise& Narcotics Anti-Narcotics Squad Mizoram laga khan mili kina operation kurishe, aru taikhan 55 grams nishina Heroin Drugs Rs 35.75 lakh laga dam toh durishe koishe Aizawl para.
Yete taikhan para duita Indians aru Myanmarese manu ke durishe koishe.
Add Comment