Agartala, November 23, 2024: 7 Bangladeshi manu ke arrest kurishe koishe Thursday din te. Taikhan Tripura laga alak alak jaga para durishe koishe. Etu arrest te Indian laga Aadhaar Cards ke chinta kurishe, Kile mane 3da toh Indian laga Aadhaar Card thakhi kina durishe koishe. Etu card toh nationality laga proof ekila nahoile, hoilebi bishi critical document ase India nimete. Yete India Government laga benefits khan te tarika lobo pare, Banking Services khan aru alak Facilities khan bi.
First group toh Government Railway Polce (GRP) laga Udaipur Railway Station para arrest kurishe koishe. Goutam Debbarma toh GRP Station laga Incharge thakhishe. Aru koishe ki, etu durea manu khan toh Bangalore te jai thakhishe koishe. Taikhan South Tripura para gushi thakhishe koishe. Aru taikhan auto-rickshaw loikina Udaipur Railway Station te jai thakhishe koishe Sealdah laga train lobole.
Aru etu charta majo te 3da maiki khan toh aadhaar car print kuri kina thakhishe koishe, aru muta toh tai laga phone para dikhai thakhishe koishe.
Etu durea para taikhan janii bole parishe ki, Tripura te kunba manu Bangladesh manu khan karne aadhaar car banai ase, aru Permanent Certificates khan bi. Aru Senior Police Officer para koishe ki, etu bana manu toh Government laga kaam kurea ase koishe. Aru etea upor level laga Investigation khan jai ase koishe.
Add Comment