Pakistan pora Railway station nemide mathi debo

ISLAMABAD, 27 November:  Media report koishe Pakistan government railway station banabole Kartarpur te jaga dibo koishe. Aro desh laga sob sikh pilgrimage jaga te loadging aro boarding facilities banabo koishe.  Federal Minister for Railways Sheikh Rashid Ahmed koishe government Kartarpur, Nankana Sahib aro Narowal te hotel banabole Sikh organization ke jaga dibo koishe. Pakistani newspaper Dawn para khobor korishe. Mr Ahmed koishe Pakistan Railways para 10 acres mati Kartarpur aro Nankana Sahib ke dishe. Narowal te five acres mati Sikh organisations ke five-star hotels Sikh pilgrims karne banabo dibo koishe. Mr Ahmed Indian Sikh pilgrims khan Lahore karne ja pichote reporters khan logote kotha korishe. Sikh pilgrims khan toh Sikhim’s founder Guru Nanak Dev laga 549^th jonom anniversary karne jaishe.  Mr Ahmed koishe train toh Nankana Sahib para Kartarpur te jabo aro hotels toh Sikh pilgrimage sites osor te banabo. Tai laga kotha toh India aro Pakistan majote rasta dibo kuwa pichote hoishe. Etu rasta toh Dera Baba Nanak Gurdaspur district Punjab para Gurdwara Darbar Sahib Kartarpur, Pakistan tak hubo. India foundation stone Kartarpur jag ate lagai se aro mati-khunda ceremony Pakistan side te kali hubo.