Agartala,November 25, 2025: BJP Leader aru Poila laga Vice President of Tripura para hatai dea laga, BJP Patal Kanya Jamatia toh Indigenous People’s Front of Tripura (IPFT) te join kuribole nishin ase koishe. Jamatia ke party para hatai dishe koishe, tai tainijor laga party ke float kurea nimete, Saffron Party para resign nakurea agea para.
Etu khobor toh State laga BJP Leadership parajanea pichete, taike tailaga position aru party laga membership bi hatai dishe koishe. Hoilebi tai party helea lag ate protest kurishe aru Delhi te jaishe koishe Party laga State Leaders khan ke lok kuribole. Aru tai ahea pichete koishe ki, Tripura laga BJP toh Pro-Bangladeshi sentiments khan ke control kurea laga leaders bitor te ase koishe.
Aru enika olopdin karne jamala ula pichete, kali rati Jamatia para General Secretary of IPFT Swapan Debbarma ke lok paishe koishe. Aru media khan ke kotha kurea toh, duita leaders bi dorwaja bon kuri kina meeting loishe koishe. Hoilebi khobor hisab te, Jamatia toh IPFT te join kuribole mun thakhishe koishe.
Add Comment