Seppa, November 27, 2024: District Hospital te charta manu ke murai dishe koishe, Nikam Sangbia para. November 14 din laga report te, Police khan para khobor paishe ki Sangbia te doa para hospital te manu ke mura toh hunishe koishe, yete Inspector Minli Geyi aru tai laga team khan phat hospital te jaishe koishe. Etu manu toh pulabole khushis kurishe koishe, Hoilebi Police khan para rukhai dishe koishe.
SP para koishe ki, taikhan investigate kuri kina khobor khan paishe koishe, Etu Muta aru maiki majo te olop jamal hoishe koishe. Etu din te muta para maiki ke hospital te loi jiashe koishe, maiki toh olop thik nahoa nimete. Hoilebi pichete te tai gusa uthi kina, tai nijor laga maiki ke murai dishe koishe Dao para, etu pichete tai laga bacha maiki 2 saal kebi muraishe. Aru alak khan ke bi muraishe koishe. Yete Fei Beyong, Chowkidar aru Paka Welly Tallang, aru Attendant ke. Police khan laga report hisab te Nikam toh 42 saal ase, aru tai toh eku kaam nakurea koishe, tai first sadhi kurea laga bi chara chari hoishe koishe.
Aru November 16 din, East Kameng Social Welfare aru Cultural Organization (EKSWCO) khan silent candlelight march kurishe koishe, ertu murea manu khan ke yaat kuribole.
Add Comment