Mizoram, November 27, 2024: Mizoram Police aru Assam Rifles khan mili kina operation kurishe koishe, yete taikhan Heroin drugs Rs 1.93 Crore laga durishe koishe. Aru Maynmar manu kebi durishe koishe.
November 25 din tebi Zokhawthar Police Department khan para 258 gram laga Heroin toh durishe koishe Melbuk laga osor te.
Yete taikhan Tiau laga nodi te ekjun bike loi kina jai thakhishe koishe, yete taikhan check kurea homoi te, taikhan 22 sabon laga daba te Heroin drugs toh paishe koishe. Etu manu toh Vanbiakmanga ase aru tai toh 42 saal ase koishe. Aru taike jail te dali dishe koishe. Etu dura saman khan pura Champhai District te Zokhawthar laga Police Department khan ke didishe koishe.
Add Comment