ZHANGJIAKO, november 28 : State media aro authorities koishe khatarnak(dangerous) chemicals bhuka gari chemical factory enterance bahar te phutishe. Etu toh 2022 Winter Olympics host koribole thaka northern Chinese city te hoishe. Etu para 22 manu morishe aro 22 manu jokom hoishe.
Hadsa dikha manu news agency AFP ke koishe tai adha rati te bishi dangor awas hunishe. Hebei Shenghua Chemical Co. factory Zhangjiakou laga bahar te thaka khati aro trucks khan te dangor jui lagi kena dhikishe.
CCTV footage hesab te building laga front toh pura jui laga dhunga(smoke) para cover hoishe.
Local propaganda department Weibo social media account te koishe etu blast toh 38 trucks biya korishe aro 12 gari bhi biya korishe.,
Jokom huwa khan ke treatment nimite hospital te loi jaishe. Etu blast toh 12:41am te hoishe.
2015 te bhi container storage facility te giant chemical blasts hoishe. Etu para 165 manu morishe. Etu toh Tianjin China te hoishe..
Etu explosion para $1 billion nuksan hoishe. Accident laga cause toh thik para nokuwa karne bishi manu khong uthishe.
Add Comment