December 04, 2024, 06:32 PM : Deputy Commissioner, Wokha, Vineet Kumar (IAS) para itu Pro fitness GYM inaugurate kurishey, Tsumang “A” colony, Wokha town tey, 3rd December, 2024 tey.
Itu gym inaugurate kuri kena, itu DC para itu duita jawan entrepreneur – Ren Khuvung aru Taku Jamir ke congratulate kurishey, itu youth khan ke inspire kuria nimitey, eneka nishina venture khan loa nimitey, aru tai khan ke encourage kuri kena, tai khan laga sapna aru goal khan picha kuria tey.
Tai para opin kurishey ki, itu opening para, itu fitness gym laga, bishi youth khan, kun khan toh durr dur jai thakishey tai khan tatey jaboley opportunity pabo, itu mainstream tey, bhal health maintain kuriboley. Tai itu bhi state kurishey ki, moi khan toh pushina pani giraboley lagey, moi khan laga hudai din laga life tey, healthy thakiboley, aru toh hoiley platform asey, kotey itu jawan aru bura-buri khan bhi itu opportunity toh loboley paribo, ekta bhal aru healthy lifestyle maintain kuriboley.
Itu event tey, Associate Pastor WTBC, Samuel Ovung para dedication prayer offer kurishey. Ren Khuvung para Pro Fitness Gym opor tey khata para highlight kurishey, Taku Jamir para vote of thanks janaishey.
Add Comment