December 5, 2024: Hornbill Festival laka 25th Edition deh, “Impact Her Nagaland” organization para “slow Food Kitchen” laka stall ekta khuli ase, etu sal laka Hornbill Festival deh. IHN tho like-minded ama kan laka ekta group ase, kun kan ekta share kura mission lokot deh eki lokot ahi nah ase. Rural maike kan sob manu kan karne aro bhal future ani bo pari bo kui nah aki lokot shi shae taikan. Impact Her Nagaland kan rural maike kan keh motot kuri bole aim kuri ase, economic self reliance pabo leh. IHN laka main goal tho taikan keh, dignity aro honour lokot deh taki bole ase.
President, Zanbeni Yanthan informed para Impact her Nagaland tho 8th March 2024 (International Women’s Day) deh banai shae kui nah janai shae. Taikan laka headquater tho Sanies deh based ase, Wokha district pitor deh.
Economic Empowerment laka upor deh, etu initiative tho free medical camps, maike kan keh taikan laka legal aro fundamental right deh educate kuri boel aro environmental issues kan keh address kuri bole focus kuri bo. “Slow Food Kitchen” deh sob dish kan tho local saman kan chui nah bana ase. Etu ingredients kan tho maike farmers laka hath para pah ase, dur aro osor para.
Add Comment